Catatan Bahasa Sunda (Kecap Rajekan)

B. Kecap Rajekan

            Kecap rajekan nyaeta kecap-kecap anu diucapkeun dua kali boh sabagian tina eta kecap, boh sageumblengna kalawan robah sorana atawa heunteu. Kana kecap rajekan kaasup keneh kecap nu diucapkeun tilu kali bari dirobah sorana.

            Kukituna kecap rajekan teh bisa dibagi 4 bagian atanapi opat rupa :

1. Dwi Purwa
2. Dwi lingga
3. Dwi Wasana
4. Tri Lingga

1. Dwi Purwa

Nyaeta kecap-kecap nu dirajek engangna nu mimiti Purwa=heula, mimiti, hareup. Ku dirajek kitu teh nya timubl kecap-kecap nu hartina :

1. migawe leuwih ti sakali

Contona : Tutunjuk, sesepak, tatajong jst

2. lila ngalampahkeunnana

Contona : babanda, bibilintik, bubuara, jst

            (kukumpul tina saeutik nepi ka loba)

3. Rupa-rupa nu dipigawena

Contona : babantu, bebenah, mopolah, jst

4. Nyieun kecap barang tina kecap sipat

Contona : hihideung, mamanis, sesekeut, jst

5. Nuduhkeun kecap barang nu siga asal kecapna

Contona : bubuntut, sisiku, mamatam babantal, jst

6. Nu geus leungit asal kecapna

Contona : pipiti, pepetek, jst petey

7. Nyieun kecap barang tina kecap pagawean

Contona : cacapek, kakait, tutunjuk, guguling

8. Nyieun kecap barang cicipta atanapi abstrak

Contona : papayung, bebenteng, kokojok

                  (pangkat), (kakuatan)

cacapek è keur sato

Dwi Purwa anu make rarangken an hartina :

1. lila atawa leuwih ti sakali

contona : susurakan, seserian, pipindahan jst

2. barang tiruan

contona : momobilan, kukudaan, jejelemaan, jst

3. nu ngandung harti rupa-rupa

contona : kekembangan, bubuahan, pepelakan, dangdaunan, jst

4. ngaran bagian badan

contona : mumuncangan, pepeteyan, cecekotan, jst

5. mindeung makena

contona : momobilan, momotoran, bebecaan, jst.

Dwi purwa make rarangken eun anu ngandung harti :

1. Nuduhkeun rasa

Contona : singsireuman, titikuheun

2. Nuduhkeun kanyeuri

Contona : uuseupeun, sisidueun, jengjerikeun, jst

3. Nuduhkeun adat atawa kalakuan

Contona : pupujieun, beubeulieun, bubudakeun, jejepangeun

4. leuwih ti sakali

contona : dedeieun, eueuriheun, gegemeueun, jst

A. Dwi purwa nu make rarangken di hareup bakal diterangkeun sawareh dina bagian kecap rundayan. Upama ditilik wangunnana, dwi purwa teh bisa dibagi 4 rupa :

1. Anu sampurna : sespak, tatajong, bubuaya, popolah, bibilintik
2. Anu dikurangan sora irung dina engangna dirajek : babantu (heunteu babantu), tutunjuk, babanda
3. Anu ditambah rarangken jadi kecap rundayan :

Dadamping, pakokolot, seuseurian, bubudakeun

4. Anu ditambahan rarangken bari ditambahan aksara irung

Bongborosan, singsireumeun, deungdeuleueun

2. Dwi Lingga

Dwi lingga nyaeta kecap-kecap nu diucapkeun dua kali sageumbleungna sarta sajeraning kitu aya nu teu dirobah sorana jeung aya nu dirobah.

            Dwi lingga anu asal tina saengang lolobana geus dianggap kecap asal. Nu teu robah sorana ngarana dwi murni. Ari nu robah sorana disebut dwireksa.

Dwi murni hartina :

1. loba : buku-buku, jalma-jalma, gunung-gunung djst
2. nuduhkeun barang nu siga asal kecapna : kuda-kuda, tangan-tangan, siku-siku djst.
3. ngatepkeun : enya-enya, jongjon-jongjon, ngeunah-ngeunah djst.

3. Dwi Wasana atawa Dwiwekas

Dwi wasana nyaeta kecap-kecap nu dirajek engangna nu panungtung (wasana tina awasana, skr = tungtung)

Jumlah dwi wasana teu loba sarta geus dianggap kecap asal bae, sebab asal kecapna geus teu bisa diteteupkeun hartina, saperti dina dwi purwa : pipiti, gugusi, mamareng, jeung dina dwi murni.

Cika-cika, alun-alun, eureup-eureup, djst.

Nilik conto-contona kecap-kecap dwi wasana teh ngandung harti sababaraha kali atawa lila, saperti : cakakak, cikikik, koteteng, kopepeng, keweweng.

Aya deui nu ngandung harti kaayaan nu maju sifatna, saperti pudigdig, pudugdug, mudikrik, mudegdeg.

Tangan-tangan (anak buah), siku-siku (panahan)

Ari kadongdong, butiti, nastiti, patatas, patistis ngandung harti naon ?

Nurutkeun wangunana dwi wasana aya :

1.      Nu sampurna : butiti, nastiti, pudingding

2.      nu dikurangan : kunyunyud, tewewet, bakakak

3.      ditambah sora : nutiktrik, mujiggrig

4.      salin sora : tawehwah, buliklak

5.      nu nimbulkeun disimilasi : cawekwer, midagdam

4. Tri Lingga

Tri lingga diwangun kku kecap anu diucapkeun 3 kali (dipitilu) jadi saeunyana kurang merenah diasupkeun kana golongan kecap rajekan, tapi sagala hal oge sok aya iwalna kapan.

Kecap asalna ngan saengan, nyaeta sarupaning kecap antewian. Pangrewong sorana robah.

Contona : dar, der, dor ; dag, deg, dog ; blag, blig, blug ; brang, breng, brang ; plak, plik, pluk ; hak, hek, hok

Tri lingga gunana pikeun ngantebkeun (intensiwering) dwi lingga ekasuku.

terasan dwi lingga

4. Padahal, ongkoh, sanajan atawa hanjakal

contoh :   1. benghar-benghar teu mere jakat              3. geulis-geulis teu bisa make

                2. geudeu-geudeu make leweh                   4. leutik-leutik ngagalati

5. lila ngalampahkeunnana : mikir-mikir,  milih-milih, inget-inget jst

6. rupa-rupa barang nu sarua sipatna : haseum-haseum, amis-amis, beureum-beureum jst.

7. diantara kecap-kecap dwi murni aya nu geus leungit harti asal kecapna saperti : alun-alun, eureup-eureup, teka-teka, cita-cita jst.

8. dwi murni make rarangken : turun-temurun (=turun-turun), teras-tumeras (teras²), serat-sinerat (urusan surat²), tulung-tumulung (silih tulungan)

9. wangunan arab : asal-muasal, sabab-musabab (jadi asal nu jadi sabab)

            Ilikan saterusna dina bagian kecap rundayan :

Dwi reka : hartina teu loba cara dwi murnina :

1. Rupa-rupa atawa loba : tulang-taleng, babak-bubuk, cua-cai jst.
2. leuwih ti sakali : bulak-balik, tulas-tulis, luntang-lantung jst
3. heunteu puguh atawa teu saenyana :

entong make tuwur-tawar ari moal meli mah.

Ulah tunyu-tanya, bisi kaeraan

Ngan udar-ider bae gawe teh !

Dwi reka aya dina rupa wangunanana :

1. Bagian kahiji robahna tina asal kecapna :

Bula-beuli, luas-leos, gadag-gidig jst (panglakona)

2. Bagian kadua robahna tina asal kecapna :

Tulang-taleng, mulan-malen, rampa-rimpi, murah-mareh jst (teu loba)

Nurutkeun wangunannana, dwi lingga bisa diwincikkeun :

a)      Nu sampurna : pipi, pingping, dada, nongnong, dog-dog, jal-jal

b)      Nu dikurangan : jujul, lalang, lelep, susuk

c)      Nu ditambahan + (liquidal) : pekprek, toldrokm jagrag.

d)     Nu robah sorana : jal-jol, cul-cel, dug-deg, cek-cok, ping-pong

e)      Nu nimbulkeun disimilasi : neuhneur, nohnay, sengsol (tina neu-neur, nay-noy, sel-sol)

f)       Nu make au atawa al : parongpong, panumpung, halaghag, kalangkang

2. Dwi lingga dwi suku ( asal dua engang )

a)      dwi murni

b)      dwi reka :        1. bagian kahiji salin sora

2. bagian kadua salin sora

c)      rundayan

Dwi wasana atawa Dwi Wekas

Dwi wasana nya eta kecap-kecap anu dirajek engangna.